Konturohet ideja per nje ribashkim te se majtes

Fatos Nano pritet te rishfaqet sot nen okelio te ndryshme politike qe bashkohen te roli i tij hipotetik brenda se majtes. Nje problem i pakapercyer per PS-ne por edhe nje alternative per Levizjen Socialiste per Integrim ish-kryeministri i Shqiperise rimerr sot te pakten iniciativen mediatike. Kjo pasi diskutimi i angazhimeve qe shkojne pertej qendrimeve te ketilla ende nuk jane verifikuar duke mbetur vetem pjese e spekulimit. Gjithsesi nje rol i Fatos Nanos ne skenen politike shqiptare mbetet aktual jo vetem per shkak te koniunktures brenda se majtes por edhe si pasoje e administrimit se selise roze nga ekipi aktual. Burime nga PS-ja bejne te ditur se teorikisht ideja per nje bashkim te opozites dhe te majtes po behet gjithnje e me prezente pavaresisht mbetjes se saj te paformalizuar. Qasje pozitive per kete iniciative ka edhe LSI-ja e Ilir Metes por edhe deputete te selise roze qe jane profilizuar ne media si oponente te Edi Rames te pakte per shume nga vendimet e ketij te fundit. Me interes paraqitet ne kete kuader qendrimi i kreut socialist i cili sipas burimeve po priret te zbuse elementin Nano permes qendrimeve luajale me te gjithe deputetet e PS-se. Ne fakt cdo gje do te varet nga deklarimet e sotme te ish-kryetarit te PS-se i cili deri ne zgjedhjet e fundit per pushtetin e Edi Rames ne kete parti eshte vleresuar si element subversiv.