Korçë, nëna denoncon zhdukjen e tre fëmijëve

Policia e Korçës

KORCË- Tre fëmijë romë rezultojnë të zhdukur që prej tri ditësh. Denoncimi është bërë nga nëna, Shpresa Trimi, e cila i është drejtuar policisë dhe ka kërkuar gjetjen e tyre.

Fëmijët e zhdukur jane Suana Trimi 13-vjec, Mario Trimi, 6-vjec, dhe Gerta Trimi, 4 vjec dhe sipas nënës së tyre lypnin në parkun e qytetit, por që prej tri ditësh nuk janë bërë më të gjallë.

Por qe nga data 24 gusht ata nuk janë parë më dhe nena dyshon se ata mund te jene trafikuar.

Pas denoncimit, policia ka nisur hetimet për gjetjen e fëmijëve, madje ka shpërndarë edhe fotot e tyre dhe kërkon bashkëpunimin e qytetarëve që mund ti kenë parë ata.