Koreja e Veriut: Gadishulli në prag lufte

Phenian -Koreja e Veriut paralajmëroi sot se marrëdhëniet e tensionuara me Korenë e Jugut e kanë drejtuar gadishullin korean në prag të një lufte. "Politika e konfrontimit, e ndjekur nga Koreja e Jugut në drejtim të Koresë së Veriut, është burimi i konflikteve ushtarake dhe një lufte të mundshme mes dy Koreve", njoftoi agjencia koreanoveriore e lajmeve.

"Në gadishullin korean një situatë e tensionuar armiqësore nënkupton shtimin e tensionit dhe mund të çojë ndrejt një konfliktit të pashmangshëm dhe të pakontrollueshëm ushtarak", njoftonte agjencia.

Analistët kanë deklaruar se retorikat kanë si qëllim ndryshimin e politikës së ndjekur nga presidenti koreanojugor dhe tërheqjen e vëmendjes së presidentit të ri amerikan, Barack Obama.