Koreja e Veriut, thirrje për besnikëri ndaj Kim Xhong Unit

Përmes një mesazhi për Vitin e Ri, regjimi komunist i Koresë së Veriut ka kërkuar nga veri koreanët që të mbrojnë udhëheqësin e sapo zgjedhur, Kim Xhong Unin, deri në vdekje.

Në mesazhin, e lëshuar nga media shtetëror, thuhej se ushtria, partia në pushtet dhe njerëzit duhet të jenë të përgatitur që të veprojnë si mburojë njerëzore për djalin dhe pasardhësin e Kim Xhong Ilit.

Ndër të tjera bëhej thirrje që të ndërmerreshin hapa për zgjidhjen e mungesës kronike të ushqimit në vend, si dhe për lëvizjen drejt prosperitetit të kombit të varfër.

Kim Xhong Uni, i cili ende nuk i ka mbushur 30 vjet, është shpallur udhëheqësi i partisë në pushtet dhe komandant suprem i ushtrisë së Koresë së Veriut, pas vdekjes së babait të tij, Kim Jong-Ilit, më 17 dhjetor.