Korrupsion me pasaportat biometrike

Korce- Korrupsioni me 1.500 leke per pasaportat biometrike, u rrezikon burgun dy zyrtareve te Zyres se Prodhimit te Pasaportave dhe Kartave te Identitetit ne Korce. Denoncimi eshte bere nga 53-vjecarja me inicialet I. T., e cila pervecse denoncoi dhunen fizike te ushtruar ne radhen per pasaporte, rrefeu faktin se zyrtaret i kerkuan ryshfet per t'i leshuar dokumentin. Kaq ka mjaftuar dhe menjehere policia vendore e prokuroria nisen hetimet ne gjendje te lire per Jurgen Qirin dhe Ernest Katundin, 29 dhe 36 vjec. Akuzat qe rendojne ndaj tyre jane "korrupsion pasiv nga persona qe ushtrojne funksione publike" dhe "shperdorim detyre".
Gjate marrjes ne pyetje, dy zyrtaret kane mohuar ngjarjen dhe perfshirjen e tyre ne kete afere, duke e quajtur te pavertete dhe trillim historine e 53-vjecares nga qyteti i Korces. Por gruaja me inicialet I. T., pasi eshte dhunuar ne radhen per dokument, ka depozituar edhe denoncim per korrupsion ndaj zyrtareve te zyres se pasaportave biometrike. "Me kerkuan 1.500 leke ne shkembim te dokumentit, per te cilin duhet te aplikoja per ta marre disa jave me pas", ka deshmuar e demtuara para grupit hetimor. Ajo ka identifikuar si personat qe kerkuan ryshfetin pikerisht Ernest Katundin dhe Jurgen Qirin, te dy punonjes te zyres se prodhimit te pasaportave biometrike dhe kartave te identitetit ne Korce.
Megjithese radha ka qene e madhe, ky fakt shfrytezohet edhe per mjet perfitimi nga zyrtaret, duke favorizuar qytetare te ndryshem qe kundrejt ryshfetit t'u pranojne aplikimet per pasaporta biometrike. Gruaja e demtuar, mesohet se do te aplikonte per pasaporte biometrike dhe karte identiteti dhe per kete sherbim qe shteti e ka caktuar falas, punonjesit kerkonin plote 1.500 leke. Burime zyrtare e konfirmuan kete fakt, ndersa po hetojne per zbardhjen e ngjarjes dhe nese provohen akuzat, ndeshkimin e dy zyrtareve. Pas kryerjes se veprimeve procedurale, materialet i kane kaluar Prokurorise se Rrethit Korce per hetime te metejshme.