Korrupsioni ne Hipoteke, pranga oficerit e 3 zyrtareve
Abuzimi me pronat dhe shitblerjen e tyre con ne pranga tre specialiste te zyres se Hipotekave, qe jane ne varesi te Ministrise se Drejtesise. Shkak eshte bere denoncimi i disa qytetareve per falsifikimin e trojeve, per te cilat kishin tapi e dokumentacione, ndersa Zyra e Krimit Ekonomiko-Financiar ne Policine e Shtetit dhe Prokuroria e Tiranes nepermjet Task-Forces, pas me se nje muaji hetimesh kane bere te mundur zbardhjen e ngjarjes. Ne pranga kane rene dy seksere, qe kane nderhyre per kalimin e prones dhe nje oficer policie, qe dyshohet te jete perfitues. Burime policore thane dje, per gazeten "KJ", se te ndaluarit jane specialistet e hipotekes, Artan Mehmeti, Ramiz Hykaj dhe Enton Babameto, oficeri i policise Tirane, Dali Hakorja, si dhe sekseret Veiz Senko dhe Halil Hima. Akuzat e ngritura ndaj te dyshuarve jane "shperdorim detyre", "falsifikim i akteve te pronesise" dhe "korrupsion pasiv e aktiv".
Operacioni i zhvilluar, ne vijim te atij te koduar "Me duar te pastra", ka nisur mengjesin e djeshem, por pergjimet kryheshin qe prej 3 javesh. Sipas hetuesve, kallezimi eshte bere nje muaj me pare nga pronari i vertete i tokes ne periferi te Tiranes. Nuk jepen detaje e hollesi rreth siperfaqes dhe menyres se perfitimit. Por mesohet se njeriu qe ka siguruar dokumente te falsifikuara ka qene oficeri i policise, Dali Hakorja, qe prej 3 javesh ishte ne kerkim. Po keshtu dhe specialistet e Hipotekes, qe akuzohen per legalizimin e kesaj prone ne favor te oficerit. Ndersa nepermjet seksereve, efektivi ka siguruar dokumentacionin qe ka paraqitur te zyra e Hipotekes. Burime policore thane se nen hetim jane edhe disa zyrtare te tjere, pasi nuk kane parandaluar falsifikimin. Po keshtu, hetohet per nje korrupsion te specialisteve qe mendohet se kane perfituar nje sasi lekesh.
Te paret jane arrestuar tre zyrtaret e Hipotekes, Artan Mehmeti, Ramiz Hykaj dhe Enton Babameto. Gjate marrjes ne pyetje, specialistet mohuan akuzen, duke u shprehur se pretenduesi i prones paraqiti dokumentacione per truallin. Burime te policise thane se ka prova qe vene nen akuze tre te ndaluarit, qe kane bashkepunuar me oficerin Dali Hakorja, i cili eshte kapur i fundit gjate operacionit. Ne rrjet dyshohen te perfshire edhe dy sekseret, qe kane falsifikuar dokumentet e tokes, Veiz Senko dhe Halil Hima. Aksioni eshte mbyllur mbreme rreth ores 22:00 dhe marrja ne pyetje ka vazhduar deri pas mesnate.
Ar.Qo
Te arrestuar:
Artan Mehmeti, specialist hipoteke
Ramiz Hykaj, specialist hipoteke
Enton Babameto, specialist hipoteke
Dali Hakorja, oficer i policise
Veiz Senko, sekser
Halil Hima, sekser
Akuzat
"Shperdorim detyre"
"Korrupsion pasiv e aktiv i zyrtareve"
"Falsifikim i akteve te pronesise"