Hetim 3 gjyqtareve te shkarkuar
Keshilli i Larte i Drejtesise duhet te coje per ndjekje penale tre gjyqtaret e shkarkuar me votim te Apelit Vlore, per shkelje te ligjit, sic u motivua. Ndersa kryetaret e gjykatave duhet te tregojne se si harxhohen fondet ne dispozicion te institucionit dhe inspektimet qe kryhen te mos mbahen sekrete por te publikohen. Me keto kritika e sugjerime, drejtues te Gjykatave te Krimeve te Renda i jane drejtuar dje nenkryetarit te KLD-se, Kreshnik Spahiu, gjate analizes se djeshme vjetore. Kerkesat i vuri ne dukje gjyqtari i Apelit per Krime te Renda, Dhimiter Lara. Spahiu u pergjigj se per shkarkimet e fundit te Gjinovefa Gabes, Vasil Hanxharit dhe Sokol Ngresit nuk mohohet mundesia per te nisur nje hetim. "Por, theksoj se edhe gjyqtaret e Krimeve te Renda jane te ekspozuar ndaj ryshfeteve e korrupsionit dhe vihen re tendenca, ndaj te behet kujdes, pasi masat do te jene te ashpra", vuri ne dukje numri dy i KLD-se. Fjalen e analizes e mbajti kreu i gjykates, Sander Simoni, qe lexoi shifrat e arritura ne gjykime gjate vitit 2007, ku binin ne sy numri ne rritje i pergjimeve.
Kreshnik Spahiu foli edhe per punen e drejtuesve te gjykatave, duke i vene ne epiqender te nje kritike te forte nepermjet krahasimit. "Per kryetaret e gjykatave mund te them se dikur rrinin ne detyre si kryetaret e kooperativave bujqesore, ndersa sot mandatin do ta kene vetem 4 vjet dhe te drejten e konkurrimit do ta kene te gjithe", tha ai. Kurse gjyqtari Dhimiter Lara theksoi se analizat vjetore duhet te ndryshojne menyren se si realizohen, pasi duhet diskutuar mbi institucionin gjyqesor dhe jo mbi funksionimin e gjykatave. "Kryetaret e gjykatave kane blere dy makina nga 30 mije euro secilen, nderkohe qe asnjera nuk punon. Harxhohen leke kot dhe jo per gjera qe duhen realisht", ka theksuar Lara, i cili ka kundershtuar deklarimin e Presidentit Bamir Topi, i cili beri te ditur se kryetaret e gjykatave jane pasqyra e gjyqtareve.
R.Caushaj
Thane:
Dhimiter Lara:
"Ka probleme te medha me shortin, aq sa 5 kryetare gjykatash jane larguar pikerisht per kete problem. Kryetari i gjykates eshte gjyqtar i thjeshte dhe se nga ai varet vetem kancelari jo gjyqtari. Sa kryetare gjykatash jane larguar nga funksioni i kryetarit dhe nuk kane mundur dot te punojne si gjyqtare".
Kreshnik Spahiu:
"Per shkak te vakuumit institucional rrezikoi qe Banda e Lushnjes, Aldo Bares dhe Enver Dondollakut dhe anetareve te saj te mos gjykoheshin per mungese gjyqtaresh. Kjo ka detyruar KLD-ne te mblidhet ne oren 21:30 te mbremjes dhe me nje vendim qarkullues vendosi delegimin e disa gjyqtareve. Kjo gje nuk eshte e mire, pasi krijon nje anomali, sepse 90% e tyre vijne nga gjykatat e rretheve".
Gjovalin Pernoca :
"Gjykata e Shkalles se Pare dhe Apelit per Krime te Renda te inspektohen dhe te ushtrohet kontroll, pasi ne keto 4 vite nuk eshte kontrolluar asnjehere per dhenien e vendimeve. Nderkohe qe, para kater vitesh, eshte bere nje inspektim, dhe sot e kesaj dite nuk eshte marre nje pergjigje ne lidhje me rezultatet".
Shifrat e 2007:
124 kerkesa per gjykim
266 masa sigurie
27 kerkesa per sekuestro
459 kerkesa per lejim pergjimi
91 kerkesa te tjera penale
9 ceshtje me 58 te pandehur grupe kriminale
22 ceshtje me 73 te pandehur per trafik droge
7 ceshtje me 11 te pandehur per trafik klandestinesh
6 ceshtje me 21 te pandehur per trafik armesh
6 vendime me 9 te pandehur per vrasje
8 vendime me 10 te pandehur per trafik klandestinesh
31 vendime me 71 te pandehur per trafik droge
4 vendime me 6 te pandehur per dhenie te pasurise
3 vendime me 11 te pandehur per trafik armesh
3 vendime me 8 te pandehur per organizata kriminale
61 vendime te dhena ne total
11 per qind e tyre kane marre forme te prere
51 per qind jane lene ne fuqi nga Apeli