Kosova, gati per zgjedhjet Zijadin Gashi
PRISHTINE - Kosova eshte gati per organizimin sot, te zgjedhjeve te jashtezakonshme parlamentare te 12 dhjetorit. Ndersa subjektet politike pjesemarrese mbyllen te premten fushaten dhe dje ishte heshtja parazgjedhore, Komisioni Qendror i Zgjedhjeve, vezhguesit dhe autoritetet e rendit thone se jane gati per diten e votimeve. KQZ konfirmoi se numri i pergjithshem i votuesve ne Kosove sivjet eshte mbi 1.6 milion. Nga ky numer, votues te rinj jane 73.288 persona, nderkaq nga lista e votuesve si persona te vdekur jane hequr 6.165 veta. Sot do te hapen 746 qendra te votimit, me gjithsej 2.280 vendvotime. Zedhenesi i KQZ-se, Fehmi Ajvazi, tha se pergatitjet jane bere per organizimin e zgjedhjeve sipas standardeve demokratike. "KQZ ka punuar me perkushtim te madh per keto zgjedhje dhe ka treguar nje gatishmeri te larte per t'i realizuar ato me sukses", tha Ajvazi. Dje kishte nisur shperndarja e materialit te ndjeshem ne te gjitha depot e komisioneve komunale. Ndersa, te dielen, ne oret e hershme te mengjesit, ky material shperndahet neper qendra dhe vendvotime. Per gjithe procesin parashihet te perkujdeset Policia e Kosoves, e cila ka angazhuar rreth 6 mije zyrtare policore. Per mbarevajtjen e procesit, KQZ-ja ka parapare qe te kete edhe listen alternative prej 75 vendvotimesh, kryesisht per viset e banuara me serbe. Kurse, 114 ekipe mobile jane lene ne dispozicion per votimet ne veri te Kosoves.
Zgjedhjet e sotme do t'i monitorojne mbi 32 mije vezhgues. Prej tyre, mbi 26 mije u perkasin partive politike, 493 organizatave nderkombetare, 351 ambasadave si dhe mbi 5 mije vezhgues nga organizatat joqeveritare. Koalicioni "Demokracia ne Veprim" ka akredituar 5 mije vezhgues per monitorimin e tere procesit. Krenar Gashi, nga ky koalicion, tha se vezhguesit jane te trajnuar mire dhe do t'i mbulojne te gjitha vendvotimet. "Keta vezhgues do te ndahen ne dy grupe: ne ate qe do ta monitoroje procesin dhe ate qe do ta monitoroje numerimin dhe shpalljen e rezultateve. Perpos tyre, kemi angazhuar edhe ekipet mobile, te cilat do te jene gjate gjithe kohes ne levizje, do t'i monitorojne ne forme te rregullt te gjitha vendvotimet si dhe do te jene ne gjendje qe, brenda nje periudhe te shkurter kohore, te shkojne ne ato vende ku eventualisht mund te kete incidente", tha Gashi.
Edhe Rrjeti Evropian i Organizatave Monitoruese te Zgjedhjeve, ENEMO, ka konfirmuar arritjen e vezhguesve nderkombetare qe do te monitorojne procesin e zgjedhjeve. Kryesuesi i ketij ekipi ne Kosove, Zllatko Vujoviq, tha se ENEMO do te kete 182 vezhgues. Prej tyre, 170 do te shperndahen ne te gjitha qendrat e votimit neper Kosove, ndersa 12 vezhgues do te qendrojne ne qendren e numrit te votave dhe rezultateve dhe do te monitorojne procesin derisa te shpallet rezultati perfundimtar.