Kosova regjistron 167 të prekur nga gripi i derrave

Ndërkohë, grupi i punës i Ministrisë së Shëndetësisë thekson se nuk ka vend për panik dhe për mbyllje shkollash, pasi rastet e deritanishme janë sporadike.

Autoritetet shëndetësore në Kosovë deklaruan se ka nisur edhe vaksinimi i personelit mjekësor.

Një ditë më parë mjekët e qendres Spitalore Universitare të Kosovës kanë nisur vaksinimin, pas disa ditësh hezitimi dhe frike se mos dozat kishin efekte anësore.