KosovaPress shënon 12-vjetorin e themelimit
Nga Express më 04 janar 2011 në ora 18:12
Agjencia e lajmeve KosovaPress shënon sot 12-vjetorin e themelimit. KosovaPress, së bashku me Radion Kosova e Lirë, ishin formuar më 4 janar 1999, si një nevojë në atë kohë, kur në Kosovë po zhvillohej lufta çlirimtare, për të informuar, sidomos opinionin e jashtëm, lidhur me zhvillimet në Kosovë.
Drejtuesit e KosovaPress-it kanë shprehur besimin se me profesionalizëm, përkushtim dhe objektivitet ka arritur që ta kryejë punën, duke mos dalë asnjë herë nga vija e interesave të vendit.