Kosove, PDK fiton me 32% te votave

Kryeministri Hashim Thaci vlereson procesin. Nderkombetaret: Pati probleme
Rivotimet ne pese komuna ne Kosove, nuk e kane ndryshuar rezultatin e fitores se Partise Demokratike te Kosoves qe drejtohet nga Hashim Thaci. Komisioni Qendror i Zgjedhjeve shpalli dje rezultatet paraprake per zgjedhjet parlamentare duke perfshire dhe votimin ne komunat ku u perseriten. Nderkohe qe pas certifikimit te rezultatit zyrtar nga KQZ-ja, pritet dhe krijimi koalicionit qeveritar. Drejtuesit e partive kryesore ne Kosove jane treguar te matur ne lidhje me deklarimin e aleancave, duke kerkuar kohe deri ne rezultatin final dhe ne votimet qe do te zhvillohen ne Mitrovice. "I gjithe rinumerimi eshte kryer, jane rinumeruar te gjitha kutite, por ne nuk mund te dalim me rezultate te pjesshme. Do te dalim me rezultate, atehere kur t'i kemi te gjitha rezultatet edhe per Mitrovicen, edhe rezultatet e rivotimit te djeshem, sepse rezultatet e rivotimit te djeshem ende nuk jane futur ne sistem",-tha dje kryetarja e KQZ-se, Valdete Daka.
Rezultati
Sipas te dhenave te KQZ-se, PDK-ja kryeson me 32.0 per qind te votave. Me pas vjen Lidhja Demokratike e Kosoves (LDK) me 24.7 per qind. Ne vend te trete eshte Vetevendosja me 12.6 per qind. Me pas renditen Aleanca per Ardhmerine e Kosoves (AAK), 11.2 per qind. Aleanca per Kosoven e Re (AKR) 7.3 per qind, Lidhja Demokratike e Dardanise (LDD) dhe Partia Fryma e Re (FER) me 2.2 per qind. Ne keto rezultate jane perfshire dhe votat e rinumeruara. Ne kete menyre kreut te PDK-se i duhet te zgjedhe vetem forcen me te cilen do te beje koalicion, per te qeverisur mandatin e ardhshem. Votimet e perseritura ne pese komuna sollen vetem nje nivel me te ulet te votave per PDK-ne, por nuk kane vene ne diskutim fitoren. Ne rezultatin e votave te zgjedhjeve te 12 dhjetorit, te shpallura nga KQZ, PDK-ja kishte 33.5 per qind te votave. Ndersa rritje nga rezultati i pese komunave ka pasur vetem LDK-ja. Pas rivotimit te 9 janarit ka nje rritje prej 1.1 per qind. Po ashtu dhe Levizja Vetevendosje ka shenuar rritje me 0.4 per qind. Ne te gjithe rezultat e dhena nga kryetarja e Komisionit te Zgjedhjeve ne Kosove, Valdete Daka, mungon vetem ai i komunes se Mitrovices. Sipas te dhenave zyrtare te Komisionit Qendror te Zgjedhjeve, gjate rivotimit te se dieles ne Skenderaj, pjesemarrja e votuesve ka qene rreth 30 per qind me pak sesa me 12 dhjetor, ne Drenas mbi 25 per qind me pak, ndersa Decan rreth 9 per qind me pak, sesa ne raundin e pare zgjedhor.
Reagimet
Perfaqesuesit e Parlamentit Evropian qe vezhguan ecurine e zgjedhjeve ne Kosove me 12 dhjetor te vitit te kaluar dhe me 9 janar, vleresuan se keto zgjedhje nuk perputhen me standardet nderkombetare. Eurodeputetja Ulrike Lunacek, e cila ishte pjese e vezhguesve, tha dje ne nje konference per mediat se u verejten defekte serioze gjate procesit. Ajo ka bere apel qe te merren masa konkrete ne permiresimin e reformes zgjedhore ne zgjedhjet e ardhshme. "Kosova duhet te ndermarre hapa te menjehershem per te permiresuar procesin e ardhshem zgjedhor, per te garantuar te drejtat demokratike te qytetareve te Kosoves, si dhe per te forcuar perspektiven evropiane te Kosoves", theksoi Lunacek. Nga ana tjeter, Lunacek ka theksuar se ne formimin e qeverise se ardhme duhet te kete vullnet politik mes paleve."Do t'u takoje lidereve qe te tregojne vullnetin politik per t'i ndryshuar gjerat. Ne nuk i dime ende rezultatet e djeshme, ne nuk e dime ende se si do te ndikojne zgjedhjet ne Mitrovices ne uleset ne Parlament - se kush do te kete sa ulese dhe sa do te jene mundesite per te formuar nje qeveri", tha ajo. Nderkohe dje kryeministri i Kosoves, Hashim Thaci u shpreh se zgjedhjet u zhvilluar ne permbushje te standardeve nderkombetare.

Zgjedhjet
Sipas te dhenave te KQZ-se, PDK-ja kryeson me 32.0 per qind te votave. Me pas vjen Lidhja Demokratike e Kosoves (LDK) me 24.7 per qind. Ne vend te trete eshte Vetevendosja me 12.6 per qind. Me pas renditen Aleanca per Ardhmerine e Kosoves (AAK), 11.2 per qind. Aleanca per Kosoven e Re (AKR) 7.3 per qind, Lidhja Demokratike e Dardanise (LDD) dhe Partia Fryma e Re (FER) me 2.2 per qind.

Zgjedhjet ne Mitrovice me 23 janar
Data 23 janar eshte caktuar dje nga Komisioni Qendror i Zgjedhjeve per zhvillimin e zgjedhjeve ne Mitrovice. Rivotimi ne kete komune do te behet pasi ne daten 12 dhjetor zgjedhjet u cilesuan si te parregullta. Vendimi per zhvillimin e tyre u morr nga Gjykata Supreme ne Kosove. Kryetarja e KQZ-se, Valdete Daka the se ne 32 qendra votimi qe ka kjo komune, ne 24 prej tyre jane shfaqur parregullsi ne diten e zgjedhjeve me 12 dhjetor te vitit te kaluar. Vendimi i KQZ-se per perseritje te votimeve ne Mitrovice erdhi vetem nje dite pas perfundimit te procesit te rivotimit te teresishem ne tri komuna ne Kosoven Qendrore dhe Perendimore dhe te pjesshem ne dy komuna te tjera, Lipjan e Malisheve. Ankesat per kete komune u bene fillimisht ne Panelin Zgjedhor te Ankesave nga Levizja Vetevendosje, kerkese e cila u rrezua. Ndersa Gjykata Supreme e mori parasysh ankesen dhe vendosi zhvillimin e zgjedhjeve ne gjithe Mitrovicen. Votimi ne kete zone eshte specifik per shkak edhe te problemeve me komunitetin serb qe banon ne kete komune.