Kosove, Pacolli nuk perjashton koalicionin me PDK-ne

Biznesmeni i njohur kosovar dhe njeheresh kryetari i partise me te madhe opozitare, Aleances Kosova e Re, Behgjet Pacolli, shpreson ne fitore te plote ne zgjedhjet lokale te 15 nentorit.

Ne nje interviste per Top Channel  kreu i AKR-se Behgjet Pacolli duke komentuar parashikimin e skenes politike pas zgjedhjeve te nentorit nuk e ka perjashtuar koalicionin e mundshem me Partin Demokratike, ne rast te prishjes se koalicionin aktual qeverises PDK-LDK.

“Me nje kusht qe programi i AKR-se te inplementohet, eshte i shenjte programi i AKR-se nese do te mund te implementohet atehere koalicioni me PDK-ne eshte i mundshem”, deklaroi  Pacolli.

Lideri i AKR-se Behgjet Pacolli, ne fushate paraelektorale e ka ashpersuar gjuhen duke thene shpesh se, rugovizmit dhe UCK-se i ka ikur koha. Keto deklarata Pacolli thote se jane keqinterpretuar nga mediat.

Aleanca Kosova e Re ne baze te votave te zgjedhjeve te kaluara radhitet e treta pas PDK- se dhe LDK-se.

Ne zgjedhjet lokale te 15 nentorit AKR ka hyre ne gare per te fituar kryetar komunash, me Lidhjen Demokratike te Dardanise, te udhehequr nga Nexhat Daci.