Kosovë, nga FMN-ja, po vjen kredia e parë

Për herë të parë, Kosova pas tri javësh do të nënshkruajë marrëveshjen me FMN-në për 100 milionë euro hua. Ministri i Ekonomisë dhe i Financave, Ahmet Shala, konfirmon se bisedimet me këtë institucion kanë përfunduar dhe ka mbetur vetëm finalizimi i marrëveshjes. Megjithatë, për t'i përfituar këto para, qeveria e Kosovës duhet t'u përmbahet rekomandimeve të Fondit për reforma në administratën publike dhe të përmirësojë politikat makroekonomike.