Kosovë, orteku i dëborës shkakton nëntë viktima

Një ortek ka shkaktuar nëntë të vdekur në Kosovë. Orteku ka goditur 15 shtëpi në fshatin Restelicë në komunën e Dragashit. Nga kërkimet e deritanishme një vajzë shtatë vjeç është nxjerr nga shtëpia. Vazhdojnë kërkimet për të gjetur të mbijetuar të tjerë.

Orteku i borës, me thellësi prej 10 metrash dhe gjerësi rreth 500 metra, i cili ka goditur fshatin Restelicë, dje rreth orës 7: 30 të mëngjesit, dyshohet të ketë bllokuar nën borë 11 persona.

Të gjithë viktimat janë nga familja Reka.  Nga 11 anëtarë që ishin brenda shtëpive, vetëm vajza 7-vjeçare është nxjerrë e gjallë.