Kosovrasti kallezon Zenelin: Shperdoroi detyren Eljona Ballhysa

Vijojne kallezimet e ndersjella penale midis keshilltareve bashkiake ne Bashkine e Tiranes. Gjate dites se djeshme ka qene kryetari demokrat i Keshillit Bashkiak, Njazi Kosovrasti, ai qe ka depozituar ne prokurori nje kallezim penal ndaj sekretarit te Keshillit Bashkiak, Behar Zeneli. Ne kallezimin penal, Kosovrasti thekson se Zeneli ka shkelur ligjin per organizimin dhe funksionimin e qeverisjes vendore duke therritur mbledhjen e Keshillit Bashkiak, gje qe nuk eshte ne tagrin e tij, por te kryetarit te Keshillit Bashkiak. “Ligji organik, nr. 8652 ne nenin 31, pika 4, percakton se: “thirrja per mbledhjen e Keshillit behet nga kryetari i Keshillit”. Njoftimin, sekretari i Keshillit e ben vetem pasi Kryetari i Keshillit vendos te therrase Keshillin ne mbledhje. Ligji ka diferencuar qarte thirrjen e mbledhjes nga njoftimi i saj. Kjo shkelje e paprecedente e ligjit eshte arsyeja qe me detyroi t’ju drejtohem juve, me kete kallezim penal. Ne cilesine e Kryetarit te Keshillit Bashkiak Tirane, mendoj se nje precedent i tille i shkeljes se ligjit me dashje, perben veper penale dhe konkretisht vepren e parashikuar nga neni 248 i Kodit Penal, ate te shperdorimit te detyres”, - shkruan ne kallezimin penal, Niazi Kosovrasti. Me tej, z. Kosovrasti vlereson se: “me kallezimin e ketij akti, nuk synoj te denoj shtetasin Zeneli, por nepermjet tij dua te perfshihem ne denoncimin e kesaj praktike kriminale te perdorimit te detyres, ne funksion te interesit te partise dhe jo te shtetit, funksionar i te cilit shtetasi Zeneli eshte”,- shkruan Kosovrasti. Nderkaq po gjate dites se djeshme perfaqesuesi ligjor i keshilltareve te majte ka depozituar nje tjeter kallezim penal ne Prokurorine e Rrethit Gjyqesor te Tiranes, kete here per kryebashkiakun Basha dhe per kryetarin Njazi Kosovrasti. Kallezimi penal per Kosovrastin ka lidhje me pervetesimin e celesave, ndryshimin e braves se deres se salles se Keshillit Bashkiak dhe bllokimin e protokollit ne institucion. Po ashtu, objekti i padise do te jete edhe dhuna e ushtruar nga punonjesit e policise bashkiake. Vetem pak dite me pare Bashkia Tirane depozitoi ne Prokurorine e Rrethit Gjyqesor, Tirane, kallezimin penal per disa anetare te Keshillit Bashkiak te Tiranes me akuzen “shkaterrimi i prones” dhe “kundershtimi i punonjesit qe kryen nje detyre shteterore ose ne sherbim publik”. Sipas Bashkise se Tiranes, me date 03.05.2013, nje grup personash ne bashkepunim kane hyre me force ne ambientet e Bashkise se Tiranes, duke kundershtuar punonjesit e policise bashkiake qe ishin duke kryer detyren e tyre funksionale. “Keta persona, ne bashkepunim, kane shkaterruar deren kryesore te Bashkise se Tiranes, duke mundesuar hyrjen me force ne ambientet e institucionit”,- shkruhej ne padine e pare.

Padia

“Ne cilesine e Kryetarit te Keshillit Bashkiak Tirane, mendoj se nje precedent i tille i shkeljes se ligjit me dashje, perben veper penale dhe konkretisht vepren e parashikuar nga neni 248 i Kodit Penal, ate te shperdorimit te detyres. Me kallezimin e ketij akti, nuk synoj te denoj shtetasin Zeneli, por nepermjet tij dua te perfshihem ne denoncimin e kesaj praktike kriminale te perdorimit te detyres, ne funksion te interesit te partise dhe jo te shtetit”, - shkruan Kosovrasti.