Krasniqi: Beogradi eksporton pasiguri në Kosovë

Londër - Kryetari i Parlamentit të Kosovës Jakup Krasniqi akuzon Beogradin se eksporton pasiguri në Kosovë.Zoti Krasniqi e tha këtë në një intervistë për BBC sot duke komentuar vizitën e shefit të EULEX-it Iv dë Kermabo në Beograd. Ai tha se vizitën e zotit Kermabo në Beograd e sheh si përpjekje të mirë të tij për të vendosur kontakte edhe me Beogradin, pasi "Beogradi është një prej faktorëve kryesor që eksporton pasiguri në Kosovë."
Zoti Krasniqi ndodhet në Londër në një vizitë zyrtare, me ftesë të Ministrisë së Punëve të Jashtme të Britanisë së Madhe.