Kreu i Punes akuzon opoziten, se po perdor invalidet politikisht Sonila Isaku
Personat me aftesi te kufizuara, kerkojne qe ne projektligjin e ri te sanksionohet qe financimet publike apo private t'u kalohen vetem organizatave qe drejtohen nga kjo kategori. Ata gjithashtu kerkuan qe cdo ndryshim ligjor dhe cdo lloj vendimmarrje e parlamentit, qeverise qendrore dhe vendore, te mos miratohet pa u konsultuar me pare me eksperte nga shoqatat qe mbrojne te drejtat e kesaj kategorie. Por qe ne nisje mbledhja e komisionit ka nisur me debate dhe tensione mes deputeteve. Shkak eshte bere vonesa e ministrit te Punes, Spiro Ksera i thirrur ne seance degjimore. Te irrituar socialistet akuzuan deputetet e mazhorances si bllokues te punes se komisionit. “Ti e ke sabotuar 6 muaj rresht mbledhjen, bashke me ish-ministrin e Punes dhe Ceshtjeve Sociale bashke me zoterinjte e PD-se”, u shpreh Ethem Ruka deputet i PS-se. Ndersa nenkryetari i parlamentit, kete e ka quajtur si nje show te deputeteve te opozites, te cilet nuk pranojne te votojne ligjet. “Ata kane dashur te luajne nje show ketu prej kohesh”, tha deputeti i PD-se, Tritan Shehu. Me nisjen e diskutimit te projektligjit mbledhja gjeneroi debate, pasi deputetja e PS-se, Eglantina Gjermeni, e konsideroi te vonuar diskutimin e tij. Por, sipas Ministrit te Punes, Spiro Ksera, projektligji duhet te ridiskutohet per te qene ne perputhje me konventen OKB per personat me aftesi te kufizuara. “Politikat tuaja persa i perket personave me aftesi te kufizuara, jo vetem qe kane qene jo ne ndihme te tyre, por tani po i perdorni per efekt fushate", deklaroi deputetja socialiste, Gjermeni. Ndersa ministri Ksera ka ftuar te gjithe deputetet te punojne per te hartuar nje konvente. “Nuk e kemi iniciuar ne frymen e konventes. Hajdeni te gjithe bashke, te ulemi, me nje fryme konstruktive ne ta pershtatim kete qe keni kerkuar me frymen e konventes per personat me aftesi te kufizuara”, ka pohuar Ministri i Punes, Spiro Ksera. Sipas tij, qellimi i opozites nuk eshte ligji, por keqperdorimi politik qe po i behet personave me aftesi te kufizuar. Drafti i propozuar permban 15 nene, nga te cilat 12 kontestohen nga Ministria e Punes. “ Per 4 vjet bien ndesh me konventen e sapo miratuar ne Kuvend, per personat me aftesi te kufizuar. Mos beni politike me keto shoqata, se qytetaret shqiptare tashme e kane kuptuar”, tha ministri Ksera. Deklarata e ministrit nxiti nje reagim te forte te deputeteve socialist Deda dhe Gjermeni. “Je i pa pergjegjshem politikisht, ti i pari si minister, sepse vjen ketu sot dhe na e ke fshehur”, tha deputeti Eltar Deda, deputet i PS-se. Debatet politike ne komision jane komentuar nga kreu i Keshillit Kombetar te Personave me Aftesi te Kufizuara Sinan Tafaj, i cili hodhi poshte pretendimet e mazhorances per nje bashkepunim te saj me opoziten. Tafaj fajesoi ministrine e Punes se eshte pergjegjese per bllokimin e draftit per 4 vite me radhe. Tashme, projektligji mbi mbrojtjen dhe perfaqesimin e posacem te te drejtave te personave me aftesi te kufizuar pritet te diskutohet nen per nen gjate javes se ardhshme ne Komisionin e Ceshtjeve Sociale.