Krimi ne familje, trajnohen policet

Drejtoria e Policise se Qarkut te Elbasanit ka organizuar punen ne menyre qe uniformat blu ne cdo moment njoftohen per rastet e dhunes. Lidhur me masat e marra ne kete drejtim, drejtori i Policise se Qarkut, Arben Hyseni, tha se "ne Drejtorine e Policise se Elbasanit prej muajsh funksionon nje strukture e vecante per zbatimin e ligjit kunder dhunes ne familje". Sipas tij, ne funksion te kesaj strukture jane trajnuar dhe disa oficere policie. Gjithsesi, per drejtuesit e policise se Elbasanit duhet bere me shume, qofte ne evidentimin e rasteve te dhunes kunder familjes, qofte ne zgjidhjen e problemeve. Por, kjo dukuri nuk mund te zbutet vetem me nderhyrjen e policise. Bashkepunimi me OJF-te shihet nga drejtuesit e policise se Elbasanit si nje mundesi efikase, qe duhet te institucionalizohet. Sipas tyre, per minimizimin e dhunes ne familje duhet te kontribuojne te gjithe sektoret, perfshire ketu dhe pushtetin vendor. Ne kete kuader, nje rol te rendesishem luan dhe sensibilizimi i komunitetit per denoncimin e cdo rasti te dhunes ne familje. "Ne kerkojme qe qytetaret te denoncojne cdo rast ne polici dhe ne do te marrim masat deri ne izolimin e personit qe ushtron dhune ne familje", theksoi drejtori Hyseni. Ai tha se te pakten 2615 denoncime, lidhur me konfliktet ne familje, u depozituan gjate vitit te kaluar ne Drejtorine e Policise se Elbasanit, te cilat ne pjesen me te madhe u zgjidhen, fale nderhyrjes se uniformave blu. Gjate vitit te kaluar, vetem ne qytetin e Elbasanit u shenuan tre raste tragjike te krimit ne familje. Ne dy raste, burri vrau gruan dhe me pas veten dhe ne nje rast, burri vrau gruan dhe me pas u arrestua.