Kriza humanitare në Siri nga më të rëndat në botë

Mark Bartolini, nga Agjencia për ndihmë ndërkombëtare të SHBA-së dhe Dejvid Robinson nga Byroja për probleme për popullatën, refugjatë dhe migracionin pranë këtij departamenti kanë njoftuar se mbi 2,5 milionë njerëz në Siri kanë nevojë për ndihmë urgjente.

Prej tyre 1,2 milionë kanë qenë të detyruar që të largohen nga shtëpitë e tyre.

Deri tani SHBA-ja ka dërguar për të prekurit në krizën në Siri, numri i të cilëve është rreth 780 mijë persona, afërsisht 82 milionë dollarë në formën e ushqimit dhe të medikamenteve. Një pjesë e madhe e kësaj ndihme është sjellë me ndërmjetësim të KB-së dhe organizatave të tjera humanitare.

Pjesa më e madhe është dërguar në Apelo ku ende zhvillohen luftëra të ashpra midis armatës dhe kryengritësve.

"Aty ka mungesë të medikamenteve-antibiotikëve dhe vaksinave”, kanë theksuar dy diplomatët.

Ndihmë amerikane është çuar edhe për refugjatët sirianë në Liban, Jordani dhe në Turqi.

Bartolini dhe Robinson kanë theksuar se sistemi për ndarjen e ndihmës, personat që merren me këtë dhe klinikat në territorin e Sirisë janë shënjestër e sulmeve të vazhdueshme. Ata nuk kanë saktësuar se kush qëndron pas këtyre sulmeve.