Irani mohon raportet për vizitën e Kim Jong Unit

Irani ka hedhur poshtë raportet e mediave se lideri i Koresë Veriore Kim Jong Un do të marrë pjesë në samitin e Lëvizjes së të Painkuadruarve në Teheran në javën e ardhshme.

Portalet lokale informative kanë cituar zëdhënësin e samitit, Mohamed Reza Forkanin të ketë thënë se lideri i Koresë Veriore do të marrë pjesë në samit.

“Nuk kam thënë kurrë një gjë të tillë dhe raportet për këtë çështje janë të rreme dhe pa bazë”, i ka tëhnë Forkani agjencisë iraniane të lajmeve, IRNA.

Samiti do të mbahet nga 26 deri më 31 gusht. Irani do të marrë presidencën e radhës nga Egjipti.