Kroaci, tjetër vrasje mafioze në Zagreb

Policia kroate gjeti sot kufomën e një personi të vrarë me plumba, gjë që tregon se në kryeqytetin kroat vazhdojnë vrasjet me karakter mafioz.

"Një person 34-vjeçar nga Zagrebi u qëllua me plumba në kokë'', deklaroi zëdhënësja e policisë,të cilës i referohet agjencia franceze e lajmeve, AFP.

"Nuk dua të komentoj spekulimet e medias lidhur me identitetin e viktimës, arsyet e vdekjes apo nëse vrasja ka lidhje me vrasjet e tjera të kryera në Zagreb'', tha Ljuba.