Kromi, PS kerkon interpelance me Berishen Qamil Xhani

Grupi parlamentar i Partise Socialiste ka dorezuar dje ne Kuvend nje kerkese per interpelance me kryeministrin Sali Berisha. Deputetet socialiste kerkojne informacione nga kreu i mazhorances ne lidhje me shfrytezimin e burimeve minerare. Kerkesa e deputeteve socialiste i eshte drejtuar kryetares se Kuvendit, Jozefina Topalli, dhe bazohet ne nenin 97 te Rregullores se Kuvendit, ku parashikohet interpelanca per ceshtje urgjente. Ne kerkesen e paraqitur nga deputetet e Partise Socialiste theksohet se kreu i mazhorances duhet te jape shpjegime ne lidhje me marreveshjen koncesionare dhe shfrytezimin e burimeve minerare ne teresi. "Therritet per te dhene shpjegime kryeministri Berisha lidhur me zbatimin e legjislacionit ne fuqi dhe marreveshjes koncesionare per shfrytezimin e kromit ne Bulqize, mbi shfrytezimin e burimeve minerare ne teresi, akuzat publike per shkelje te ligjit dhe kontrabandes se kromit, shfrytezimit abuziv te pasurise minerare dhe rrezikshmerise se larte qe kjo situate paraqet per jeten e minatoreve dhe te banoreve ne zonat e implikuara, si dhe per te ardhmen e vendit", - thuhet ne kerkesen e grupit te PS-se. Kerkesa e Grupit Parlamentar te Partise Socialiste eshte firmosur nga deputetet Saimir Tahiri, Eduard Shalsi, Dashamir Peza, Anduel Xhindi, Artan Gaci, Bashkim Fino dhe Blendi Klosi. Deputetet e Partise Socialiste kane ngritur disa here ceshtjen e koncesioneve minerare ne Kuvend. Nderkohe qe kete here, kerkesa per interpelance duket se e ka marre shtysen edhe nga deklaratat e ish-drejtorit te policise se Dibres, Shemsi Penci. Pas shkarkimit nga detyra, ai akuzoi ashper qeverine se ia ka lene shfrytezimin e minierave te kromit ne dore te organizatave kriminale. Ne deklarata publike, deputetet e PS-se i jane referuar per ceshtjen e minierave te kromit ne Bulqize qendrimeve te ish-drejtuesve te policise. Nderkohe qe Drejtori i Pergjithshem i Policise se Shtetit e ka shkarkuar Prencin me motivacionin per shkelje ne detyre. Pas policise, Prenci ka kapercyer kompetencat, si dhe ka dhene urdhra te paligjshem. "Drejtori i Pergjithshem i Policise se Shtetit vendosi perjashtimin nga policia per kryerjen e veprimeve te pahijshme dhe per shkelje dhe mosushtrim te kompetencave te policise", - thuhet ne deklaraten e policise se shtetit ne lidhje me qendrimin qe ka mbajtur Prenci per ceshtjen e koncesioneve te minierave ne Bulqize.