Kryeministri Berisha: Do të mbështesim studentët shqiptarë që duan të studiojnë në Universitetet prestigjioze të perëndimit

Kryeministri Berisha priti sot një grup profesorësh të Universitetit të Oxofrdit, i përbërë nga Profesori Mark Swenarton (Dekani i Universitetit Oxford Brookes) dhe pedagogët Rosemary Spankie  dhe Andrea Placidi.

Stafi  akademik i Universitetit të Oksfordit ishte i shoqëruar nga Rubens Shima, Zv.Drejtori i Galerisë Kombëtare të Arteve, Parid Teferiçi, bashkëdrejtues dhe Ideator i Projektit si dhe Genti Gjokola, Ideator dhe Koordiantor i Projektit dhe një nga katër studentët e Fakultetit të Arkitekturës në .

Grupi i profesorëve të Oxfordit e informoi Kryeministrin Berisha për një projekt të përbashkët me Galerinë e Arteve të Tiranës, i cili konsiston në një bashkepunim afatgjatë midis këtij universiteti prestigjoz, Universitetit të Tiranës dhe Galerisë Kombëtare të Arteve. Në qershor të këtij viti do të organizohet ekspozita e parë në kuadër të këtij projekti.

Kryeministri Berisha i falenderoi profesorët e Oxfordit për këtë iniciativë dhe shprehu mbështetjen e tij të plotë për projektin.

Ai gjithashtu e inkurajoi grupin e profesorëve për intesifikimin e bashkëpunimit me qendrat akademike të vendit tone dhe u premtoi atyre mbështjen prioritare që do të kenë shkencëtaret e rinj shqiptarë në kuadër të Fondit të Exlelencës, për të kryer studime dhe specializime pasuniversitare në Universitetin pretigjioz të Oxfordit dhe universitete të tjera kaq prestigjioze në perëndim.