Kryeministri Berisha do të marrë pjesë në samitin e Dubrovnikut

Kryeministri Berisha u nis sot në Kroaci për të marrë pjesë në samitin e Dubrovnikut, që trajton temën “Europa Juglindore, përballja me sfidat globale”, që zhvillohet në datat 9-10 korrik 2010.

Në samit marrin pjesë kryeministrat e Krocisë Jodranka Kosor, Italisë Silvio Berluskoni, Francës Francois Fillon, i Polonisë Danald Tusk, i Sllovenisë Borut Pahor, i Bullgarisë Boyko Borisov, i Malit të Zi Milo Gjukanovic, i Bosnje Hercegovinës Nikola Spiric, i Kosovës Hashim Thaçi, si dhe përfaqësues të lartë të Bashkimit Europian dhe Parlamentit Europian.

Kryeministri Berisha do të jetë një nga folësit në sesionin e ditës së shtunë, ku do të trajtohet qeverisja ekonomike, bota pas krizës më të rëndë financiare dhe ecja drejt ekonomive të zhvilluara. Në fjalën e tij, Kryeministri Berisha do të përqendrohet në zhvillimet ekonomike në vend, arritjet dhe përballimi i pasojave të krizës botërore.

Gjatë qëndrimit në Dubrovnik, Kryeministri Berisha do të ketë takime dypalëshe me homologë të tij, pjesëmarrës në samit.

Pjesë e delegacionit shqiptar është edhe Ministri i Punëve të Jashtme Ilir Meta, i cili do të marrë pjesë edhe në takimin e vendeve të Kartës së Adriatikut.