Kryeministri Berisha përshëndet zhvillimin e qetë dhe të civilizuar të zgjedhjeve në Kosovë

Kryeministri Berisha përshëndet qytetarët e Kosovës dhe forcat politike të Kosovës për zhvillimin e qetë, paqësore e të civilizuar të zgjedhjeve parlamentare të parakohshme dhe e konsideron këtë dëshmi tjetër të funksionimit të shtetit ligjor dhe institucioneve demokratike të Kosovës. Ato janë një fitore tjetër e qytetarëve të Kosovës, në rrugën e tyre të konsolidimit të sistemit demokratik.

Kryeministri Berisha thekson se adresimi i ankesave në institucionet e vendit është interesi më i mirë i të gjitha subjekteve elektorale dhe qytetarëve të Kosovës.