Kryeministri Berisha pret Zëvendës/Sekretaren e Përgjithshme të Këshillit të Evropës, zonjën Gabriela Battaini Dragoni

Kryeministri Berisha priti dje në një takim, zonjën Gabriela Battaini Dragoni, zëvendëssekretare e përgjithshme e Këshillit të evropës.

Pasi i uroi përzemërsisht mirëseardhjen, kryeministri Berisha e falënderoi zonjën Dragoni për bashkëpunimin e shkëlqyer qe qeveria shqiptare ka patur me Këshillin e Evropës dhe Sekretariatin, Asamblene dhe institucionet e tjera, gjatë kësaj periudhe të kryesimit të rradhës së Komitetit të Ministrave të Këshillit të Evropës nga ana e Shqipërisë. Kryeministri Berisha  e falënderoi për mbështetjen që Këshilli i Evropës dhe organete organizmat e tjere te tij si Komisioni i Venecias, Greco, etj i kane dhënë shqipërisë gjate gjithe ketyre viteve për konsolidimin e demokracisë, reformave të rëndësishme për konsolidimin e shtetit te se drejtes, konsolidimin e respektit per te drejtat e njeriut etj.

Zonja Dragoni e falenderoi Kryeministrin Berisha  për pritjen e ngrohtë edhe miqesore dhe i shprehu atij përshëndetjet më të përzemërta të Sekretarit të Përgjithshëm të Këshillit të Evropës Thorbjørn Jagland. Ajo e përgëzoi Kryeministrin Berisha për punën e qeverise shqiptare gjatë kryesisë së radhës se Këshillit të Evropës, duke e vlerësuar kryesinë shqiptare si tërësisht të sukeseshme në objektivat dhe përparësitë që ajo i kishte vene vetes dhe ne aktivitetet e ngjeshura e te shumta qe ajo organizoi duke dhënë një kontribut të rëndësishëm dhe në promovimin e mëtejshëm të axhendës së KE.

Zonja Dragoni vlrerësoi gjithashtu arritjet e rëndësishme që Shqipëria ka shënuar gjatë gjithë këtyre viteve në të gjitha aspektet e konsolidimit të demokracise, të shtetit të së drejtës, mbrojtjes dhe respektimit te plote të të drejtave të njeriut, çka jane reflektuar qarte edhe në progresin e saj në procesin e integrimit në BE, për të cilin Shqipëria gëzon mbështetje të plotë edhe të Këshillit të Evropës.

Në takim u vlerësua tradita shekullore e tolerances se shkëlqyer fetare që ekziston në Shqipëri si një vend multiregjioz, si dhe kontributi i shqiptarëve, të cilët gjatë periudhës së erret të holokaustit qëndruan në anën e drejtë të historisë, duke strehuar, mbrojtur dhe shpëtuar hebrenjtë e Shqipërisë dhe nga mbarë rajoni.

Në takim u vlerësua kontributi i Kryesisë shqiptare të rradhës edhe në afrimin e vendeve të Pranverës arabe me Këshillin e Evropës dhe konsolidimin e bashkëpuimit dhe ofrimit të modeleve ndaj këtyre vendeve në përpjekjet e tyre për demokraci dhe promovimin e te drejjtave të njeriut, si dhe u theksua nevoja për një përqëndrim edhe më të madh në konsolidimin e vlerave të Këshillit të Evropës në luftën kundër fenomeneve të kseniofobisë, rracizmit dhe diskriminimit që shfaqen herë pas here edhe në vendet e rajonit. Zonja Dragoni theksoi se “kemi mbetur vërtetë të impresionuar nga përkushtimi       që Kryesia e radhës i dedikoi objektivit të Këshillit të Evropës për marrëdhënieve të ngushta me vendet fqinje të rajonit dhe dialogut ndërkulturor.”