Kryeministri Berisha pret përfaqësuesit e Kompanisë Italcement Group

Kryeministri Berisha priti sot përfaqësuesit e Kompanisë Italcement Group, që operon prej disa vitesh në Shqipëri përmes Eurotech Cement.

Italcement Group konkludoi punën e tij me nje projekt për ndërtimin e një impianti të prodhimit të çimentos nga klinkeri.

Investimi kap vlerën 25 milionë euro dhe përbën fazën e parë të një investimi më të madh që pritet të bëhet për të mbyllur ciklin e mëvonshëm të prodhimit të çimentos në Salmon, Durrës.

Menaxheri i Eurotech Cement, Stefano Gallini, tha se ky projekt finalizohet në Shqipëri për faktin se është bërë vend shumë tërheqës për investime dhe konsiderohet si një pikë e rëndësishme strategjike për Mesdheun.

Kryeministri Berisha i falënderoi përfaqësuesit e kompanisë për projektin e paraqitur, procedurat e të cilit kanë filluar tashmë dhe i siguroi ata se administrata e tij do të kontribuojë në suksesin e këtij investimi.