Kryeministri Berisha takon Kampionin e botës, boksierin Kreshnik Qato

Sot paradite, Kryeministri Berisha priti ne një takim boksierin  Kreshnik Qato, pas marrjes së titullit botëror të fondacionit WBF.

Kryeministri Berisha e përgëzoi boksierin Qato për fitoren e shkëlqyer dhe të merituar që arriti në ndeshjen me boksierin portugez Viktor Sa.

Kryeministri u shpreh se kjo është një fitore historike për të gjithë shqiptarët. “Besove tek kjo fitore dhe pas një serie suksesesh ia dole mbanë të marrësh titullin botëror”- u shpreh Kryeministri Berisha.

Nga ana e tij, Boksieri Kreshnik Qato duke falënderuar Kryeministrin për ndihmën dhe mbështetjen e vazhdueshme, u shpreh i lumtur  që u realizua dëshira dhe ambicia e tij sportive për sigurimin e  titullit Kampion Bote.