Kryeministri Fatos Nano ka marrë sot një leter nga Presidenti i Shteteve të Bashkuara të Amerikës, Xhorxh W. Bush. Letra e Presidentit amerikan eshte percjelle nga ambasadorja e SH.B.A ne vendin

Kryeministri Fatos Nano ka marrë sot një leter nga Presidenti i Shteteve të Bashkuara të Amerikës, Xhorxh W. Bush. Letra e Presidentit amerikan eshte percjelle nga ambasadorja e SH.B.A ne vendin tone Marcie B.Ries.

Në këtë leter Presidenti i Shteteve të Bashkuara të Amerikës, Xhorxh W. Bush, i shkruan Kryeministrit Fatos Nano:

"Unë vlerësoj vendimin e fundit të Qeverisë së Shqipërisë për rritjen numrit të forcave të saj ushtarake në Irak. Unë shpreh falënderimet e mia personale dhe ato të Shteteve të Bashkuara për këtë hap të rëndësishëm. Ky është një tjetër tregues i angazhimit të vazhdueshëm dhe të thellë të Shqipërisë në luftën kundër terrorizmit në mbarë botën dhe sigurimit të paqes, stabilitetit dhe demokracisë në Irak.

Shtetet e Bashkuara gjithashtu, vlerësojnë rolin e Shqipërisë në promovimin e stabilitetit dhe bashkëpunimit rajonal. Përpjekjet e vendit tuaj gjatë kryesimit të tanishëm të Kartës së Adriatikut, janë një kontribut i rëndësishëm për rajonin dhe qëllimin tonë të përbashkët për një Europë te bashkuar, te lirë dhe në paqe. Shtetet e Bashkuara po presin me kënaqësi pjesëmarrjen në takimin e Kartes se Partneritetit , këtë Maj në Tiranë.

Shtetet e Bashkuara vazhdojnë të mbështesin fuqimisht aspiratën e Shqipërisë për një integrim të plotë në komunitetin Euro-Atlantik. Zgjedhjet e kësaj vere do të shërbejnë si një moment i rëndësishëm i progresit në këtë proces dhe ne jemi te bindur se të gjithë shqiptarët do të punojnë së bashku për të siguruar që këto zgjedhje të jenë sipas standarteve të duhura".