Kryeministri Fatos Nano priti sot ambasadoren e re te Norvegjise, te akredituar ne vendin tone, Znj. Eva Bugge, me rastin e paraqitjes se letrave kredenciale. Kryeministri Nano, pasi i uroi miresear

Kryeministri Fatos Nano priti sot ambasadoren e re te Norvegjise, te akredituar ne vendin tone, Znj. Eva Bugge, me rastin e paraqitjes se letrave kredenciale.
Kryeministri Nano, pasi i uroi mireseardhjen dhe sukses ne detyre, e njohu ambasadoren me zhvillimet ne vend, me rezultatet e arritura me perpjekje te perbashketa te mazhorances qeverisese, te opozites, shoqerise civile etj. Ai theksoi se lufta kunder evazionit fiskal, shfaqjeve te kontrabandes, trafiqeve ilegale, krimit te organizuar etj krahas realizimit te nje programi te gjere reformash te gjithanshme strukturore e institucionale, jane identifikuar nga qeveria shqiptare si prioritete te rendesishme. "Progresi i realizuar ka sherbyer si baze per hapjen e negociatave me BE per marreveshjen e stabilizim asocimit, shpallja e te cilave do te behet nga Z. Romano Prodi, qe do te vije keto dite per vizite zyrtare ne Shqiperi" tha Kryeministri.
"Populli shqiptar ka nje konsiderate te larte per popullin norvegjez e ne pergjithesi per popujt nordike, per realizimet dhe standartet qe ata kane arritur si dhe per perkrahjen dhe ndihmat qe na kane dhene ne momente te veshtira.
Shqiperia, i vlereson vecanerisht marredheniet me Norvegjine dhe e konsideron ate si nje partner te rendesishem, me te cilin jemi te gatshem te thellojme bashkepunimin dhe shkembimet bilaterale ne fusha me interes reciprok, por edhe per te perfituar nga eksperienca dhe eficienca e saj ne trajtimin e dosjes europiane dhe integrimin ne tregun global" u shpreh zoti Nano.
Progres u shprehen bashkebiseduesit do te arrihej edhe me nenshkrimin e marreveshjeve te tjera ne fusha me interes te ndersjellte.
Ne kete kuader Kryeministri Nano i transmetoi ambasadores Bugge ftesen e tij per kryeministrin norvegjez per nje vizite zyrtare ne Shqiperi.
Ambasadorja Bugge e falenderoi Kryeministrin Nano per pritjen dhe vleresimet pozitive per vendin e saj dhe shtoi se ndjehej krenare te perfaqesonte Norvegjine ne Shqiperi, ne nje vend qe ka bere progres impresionues.
"Jam e kenaqur nga dialogu konstruktiv qe qeveria juaj ka vendosur me opoziten, rezultat i se ciles jane arritjet tuaja te lavderueshme ne luften kunder krimit, trafiqeve ilegale, evazionit fiskal etj. Kemi ndjekur me vemendje politiken tuaj ballkanike, qendrimet e admirueshme qe keni mbajtur ne raste te ndryshme krizash, sic ishte ajo e Kosoves, kur ju pritet rreth 500 mije kosovare, kemi ndjekur gjithashtu perpjekjet tuaja per hapjen e negociatave me BE per marreveshjen e stabilizim asocimit, per te cilat iu pergezojme. Jam e sigurt, se aq sa ka rendesi BE per Shqiperine po aq e vertete eshte edhe e kunderta" tha znj. Bugge.
Marredhenieve me Shqiperine vendi im,- tha ambasadorja Bugge,- i kushton rendesi te vecante. Eshte kjo arsyeja pse ne vazhdojme te realizojme ketu disa projekte per te cilat gjate vitit 2003 jane shtuar fondet e vena ne dispozicion.
"Deshiroj te shpreh se vendimi i mesiperm i qeverise sime, eshte vleresim dhe shprehje e konsiderates per progresin tuaj. Qeveria norvegjeze do te vazhdoje t'ju ndihmoje dhe do te thelloje bashkepunimin ne te gjitha fushat me interes te perbashket" tha ambasadorja duke siguruar Kryeministrin Nano se do te angazhohej personalisht, per te zgjeruar me tej marredheniet shqiptaro-norvegjeze.