Kryeministri: Ftoj opoziten te bashkepunoje per reformat

Kryeministri Berisha ftoi dje opoziten te bashkepunonte per te perfunduar reformat e nisura qe do sillnin anetaresimin me te drejta te plota ne NATO. Ne nje konference per shtyp te mbajtur pasditen e djeshme, kreu i qeverise deklaroi se qeveria do te ishte e gatshme te permbushte cdo detyrim ndaj NATO-s, ne menyre qe anetaresimi i plote te realizohej ne nje kohe sa me te shkurter. "Qeveria do te marre cdo vendim dhe do te kontribuoje ne cdo reforme. Do kompletojme reformen zgjedhore dhe ate te drejtesise. E ftoj opoziten, qe ne marrjen e fteses ka dhene kontribut, te bashkepunoje ne vazhdim per ta permbushur kete projekt", deklaroi Berisha. Sipas tij, ndonese eksponente te opozites ishin skeptike per marrjen nga ana e vendit tone te fteses per ne NATO, qeveria qe ai drejtonte ia arriti qe nepermjet vendimeve dhe reformave te kryera ta merrte kete ftese. Kreu i qeverise theksoi se marrja e kesaj ftese sillte detyrime te reja per institucionet e vendit, mazhorancen dhe opoziten. Kryeministri falenderoi te gjithe kreret e vendeve anetare te NATO-s, ne menyre te vecante presidentin amerikan Xhorxh W. Bush per besimin qe i dhane Shqiperise, duke i dhene ftesen e anetaresimit per ne NATO. Ai nuk preferoi te bente komente ne konference ne lidhje me planet e tij per ndryshimet ne qeveri. Ai theksoi se fakti qe perfaqesuesit e larte te vendeve te NATO-s e kishin konsideruar si frymezues progresin e Shqiperise, do te thoshte se ministrat e kabinetit e kishin kryer punen e tyre ne menyre korrekte, duke i hapur keshtu rruge integrimit. Ndersa ne lidhje me reformen zgjedhore, Berisha eshte shprehur se mbeshtet paketen e PS, pasi eliminon "Dushkun", duke mohuar te kete pakt te fshehte mes dy partive.

F.Mejdini