Kryeministri te minatoret e plagosur Qeveria e vendosur tju mbeshtese

Kryeministri Berisha vizitoi sot minatorët e plagosur dje, në minierën e Bulqizës, që ndodhen në trajtim intensiv në repartin e reanimacionit të Spitalit Amerikan, në Tiranë.

Kryeministri pasi u njoh nga shefi i repartit të reanimacionit për gjendjen shëndetësore dhe trajtimin e tyre, vizitoi minatorët dhe i uroi shërim të shpejtë.

Ai siguroi se qeveria është e vendosur të japë ndihmën e mbështetjen e saj, për shërimin e shpejtë të tyre.

“Ky ishte një aksident i dhimbshëm dhe tragjik , - u shpreh Kryeministri Berisha - dhe qeveria është e vendosur, së bashku me mjekët, të bëjë çdo gjë për t’ju ndihmuar”.