Kryepeshkopi Janullatos uron për festën e Krishtlindjeve

TIRANë- Kryepeshkopi i Tiranës, Durrësit dhe i gjithë Shqipërisë, Anastasi, ka uruar sot nëpërmjet një mesazhi të gjithë besimtarët ortodokse për festën e Krishtlindjeve. "Kjo e kremte e sotme e shkëlqyer, na fal siguri të të rëndritshme dhe shpresë që nuk zhgënjen", thuhet në mesazh. "Nga drita natyrale, që në jetën e përkohshme kombinohet me errësirën e natës, do të shkojmë përfundimisht drejt dritës që nuk perëndon, që është vetë Perëndia"."Drita e botës, Jisu Krishti, shfaqet e njohur dhe familjare, sikundër edhe drita natyrale. Por, në të njëjtën kohë, mbetet e paafrueshme dhe e pakonceptueshme për sa i takon esencës së saj, theksohet në mesazh. çdo gjë fisnike dhe e vërtetë në mendim, në sjellje, në jetën fetare të njerëzve është reflektim nga drita e Birit dhe Fjalës së Perëndisë"."Dritë paqeje, me veten tonë, me mjedisin që na rrethon dhe mbarë botën; dritë të vërtetë, për kuptimin e shkakut më të thellë të korrupsionit dhe të krizës shumëformëshe; dritë drejtësie, në përpjekjet shoqërore në nivel lokal e global; dritë fryme krijuese, që inkurajon mendimin origjinal, shkencat, artet, qytetërimin; dritë shprese, që fuqizon reciprocitetin e të gjithë popujve për shpëtimin e planetit; dritë dashurie, me vepra, pa interes dhe me sinqeritet ndaj çdo njeriu; dritë besimi që nuk perëndon, e cila çon në kapërcimin final të mëkatit, të prishjes dhe të vdekjes, me fuqinë e Kryqit dhe Ngjalljes së Krishtit", thuhet në mesazhin e hirësisë së tij, Anastas.(m.a/BalkanWeb)