Kryeprokurorja shkel pas 6 muajsh në Kryeministri
Kryeprokurorja Ina Rama rikthehet pas 6 muajve në godinën e Kryeministrisë. Nuk bëhet fjalë për ndonjë pritje të veçantë nga Kryeministri, por për mbledhjen e komitetit kombëtar të bashkërendimit të luftës kundër pastrimit të parave ku ishte e pranishme edhe shefja e organit të akuzës. Të pranishëm në këtë takim ishin ministra të qeverisë, Guvernatori i Bankës së Shqipërisë, Ardian Fullani, Kryeprokurorja Ina Rama, drejtues të institucioneve anëtare në komitetin kombëtar të bashkërendimit të luftës kundër pastrimit të parave.
Gjatë kësaj mbledhjeje, e cila u zhvillua me dyer të mbyllura, çdo institucion raportoi mbi masat e marra në zbatim të programit kombëtar "Për kontrollin e lëvizjes së monedhës cash në Republikën e Shqipërisë". Gjithashtu, u diskutua mbi bashkërendimin ndërinstitucional në luftën kundër pastrimit të parave, si dhe në mundësinë e ndërhyrjes në bazat e të dhënave të organeve shtetërore dhe regjistrat publikë nga Drejtoria e Përgjithshme e Parandalimit të Pastrimit të Parave, si dhe për bashkëpunimin ndërkombëtar në kuadër të programeve të binjakëzimit. Në mënyrë më specifike, pjesëmarrësit diskutuan mbi fuqizimin e strukturave që luftojnë pastrimin e parave, trajnimin e stafit bazuar mbi ekspertët dhe eksperiencën më të mirë ndërkombëtare, si dhe fuqizimin e rrjetit të IT-së dhe përdorimin e tij sa më gjerësisht në luftën kundër pastrimit të parave. Kryeministri u kërkoi pjesëmarrësve angazhim të madh në këtë luftë të vështirë, duke e cilësuar pastrimin e parave një fenomen tejet të rrezikshëm, një autostradë të krimit. Kryeministri theksoi se krimi nuk luftohet me sukses pa një luftë të vendosur ndaj pastrimit të parave.
Gjatë kësaj mbledhjeje, e cila u zhvillua me dyer të mbyllura, çdo institucion raportoi mbi masat e marra në zbatim të programit kombëtar "Për kontrollin e lëvizjes së monedhës cash në Republikën e Shqipërisë". Gjithashtu, u diskutua mbi bashkërendimin ndërinstitucional në luftën kundër pastrimit të parave, si dhe në mundësinë e ndërhyrjes në bazat e të dhënave të organeve shtetërore dhe regjistrat publikë nga Drejtoria e Përgjithshme e Parandalimit të Pastrimit të Parave, si dhe për bashkëpunimin ndërkombëtar në kuadër të programeve të binjakëzimit. Në mënyrë më specifike, pjesëmarrësit diskutuan mbi fuqizimin e strukturave që luftojnë pastrimin e parave, trajnimin e stafit bazuar mbi ekspertët dhe eksperiencën më të mirë ndërkombëtare, si dhe fuqizimin e rrjetit të IT-së dhe përdorimin e tij sa më gjerësisht në luftën kundër pastrimit të parave. Kryeministri u kërkoi pjesëmarrësve angazhim të madh në këtë luftë të vështirë, duke e cilësuar pastrimin e parave një fenomen tejet të rrezikshëm, një autostradë të krimit. Kryeministri theksoi se krimi nuk luftohet me sukses pa një luftë të vendosur ndaj pastrimit të parave.