Kryesia e LSI-së emëron Nasip Naçon drejtues të LSI-së për qarkun e Beratit
Kryesia e LSI-së, e mbledhur dje pasdite nën drejtimin e kryetarit të LSI-së, Ilir Meta, miratoi emrin e Nasip Naços në funksionin e sekretarit për qarkun e Beratit. Nasip Naço, 44 vjeç, është një nga juristët më të njohur në vend dhe ka kryer funksione të rëndësishme në administratën e lartë shtetërore dhe në sistemin e drejtësisë. Së fundi Naço ka ushtruar detyrën e prokurorit të rrethit të Durrësit, pozicion nga i cili ka dhënë dorëheqjen pak kohë më parë, e cila është dekretuar edhe nga Presidenti i Republikës. Në mbledhjen e saj, Kryesia e LSI-së gjithashtu miratoi kandidaturat që do të konkurrojnë për kryetar të LSI-së në qytetin e Beratit. Këta kandidatura janë Tomorr Kapllani dhe Leka Papa. Zgjedhjet në Berat do të mbahen në datën 21 qershor, sipas parimit “Një anëtar, një votë”.
12 Qershor 2008