Kuçi: Plani i ri urbanistik i Tiranës gati në maj 2012

Në muajin maj të këtij viti qytetarët e Tiranës do të kenë gati planin e ri urbanistik të qytetit. Këtë e konfirmon këshilltari i kryeministrit për çështjet urbane, Flamur Kuçi. Brenda 20 janarit do të mblidhet grupi teknik i punës, i cili do të diskutojë zhvillimin ekonomik të Tiranës. Procesi i debatit dhe diskutimeve që ka shoqëruar grupin teknik dhe strategjik të hartimit të planit rregullues, do të shoqërohet në muajin shkurt edhe me konsultimet që do të bëhen me komunitetin e zonave të ndryshme të kryeqytetit.