Kukës, gjendet në krahet e të mitures foshnja e rrëmbyer

Ngjarja  ka ndodhur në qytetin e Kukësit, në lagjen nr. 3, duke alarmuar forcat e policisë, të cilat menjëherë kanë bllokuar hyrjen e daljen e mjeteve në të gjitha akset rrugore të qytetit, ndërsa kanë nisur kontrollet për gjetjen e fëmijës.

"Fëmija me inicialet I.K pas rreth një ore kërkimesh është gjetur në krahët e një vajze 9 vjecare me inicialet E.E, edhe kjo banore e qytetit", tha zëdhënësija e drejtorisë së policisë së qarkut Irena Laknori.

Ndërkohë, për hetimin e kësaj ngjarje të pazakontë është ngritur një grup i posaqëm. Janë shoqëruar e po pyeten në lidhje me ngjarjen edhe prindërit e vajzës 9 vjeçare, ndërsa ende nuk ka të dhëna për motivet e rrëmbimit të foshnjes.