Kukesi pa energji elektrike qe nga mesanta e se henes

Kukësi është pa energji elektrike që pas mesnatës së hënë. Shkak është bërë një defekt i rëndë në nënstacionin e Rexhepajt pas një zjarri të shkaktuar në kabinën kryesore të shpërndarjes së fidrave të qytetit dhe fshatrave.

Specialistet e CEZ pohuan se ka qenë ngarkesa në rrjet dhe kontaktet e fidrave me lagështirën që kanë shkaktuar edhe shkëndijat elektrike e me pas përfshirjen e gjithë kabinës nga zjarri.

Ekipet e CEZ dhe KESH po punojnë për riparimin e defektit ndërkohë kanë mbërritur edhe materialet e nevojshme nga Tirana.