Kupa e Shqipërisë: Fitojnë të mëdhatë Dinamo në pikiatë

Vllaznia ka barazuar 0-0 me Bylisin në një ndeshje aspak emocionuese dhe të luajtur keq. Spektakël në Peqin, ku Apolonia fiton 3-4

Tirana, Skëndërbeu dhe Flamurtari arritën fitore të rëndësishme, ndërsa u zhvillua java e dytë e ndeshjeve të grupeve të Kupës së Shqipërisë. Bardheblutë arritën një sukses minimal në transfertë, në fushën e vështirë të Laçit dhe përforcuan pozitat e tyre në krye të grupit A me gjashtë pikë. Skëndërbeu doli fitues në përballjen e zhvilluar në Korçë me Kastriotin, ndërsa vlonjatët mundën 1-0 Teutën, kryesuese në kampionat. Nga ana tjetër, kriza e Dinamos vazhdon të thellohet. Skuadra e vendit të fundit në kampionat, këtë herë mundet edhe në Kupë në kryeqytet (1-2) edhe nga Elbasani i Kategorisë së Parë. Apolonia fitoi me spektakël golash me Shkumbinin në Peqin, me rezultatin 3-4, Pogradeci mposhti Kamzën, ndërsa Vllaznia, ditën pas largimit të trajnerit Josa, ndalet në barazim pa gola nga Bylisi. Në stol, për këtë ndeshje ishte ndihmësi i Josës, Plori. Takimi midis dy skuadrave të Kategorisë së Parë, Luftëtari-Besa, nuk u zhvillua. Për herë të parë në këtë edicion, Kupa nuk mjaftohet vetëm me përballjet me eliminim direkt, por i është shtuar edhe një format grupi. Dy skuadrat e para kualifikohen për në çerekfinale. Pas dy ndeshjeve të para, renditja në grupe është si më poshtë.

Grupi A

Laçi – Tirana 0-1

Shkumbini – Apolonia 3-4

Renditja

Skuadra N P

Tirana 2 6

Laç 2 3

Apolonia 2 3

Shkumbini 2 0

Grupi B

Flamurtari – Teuta 1-0

Pogradeci – Kamza 3-1

Renditja

Skuadra N P

Pogradeci 2 4

Flamurtari 2 3

Kamza 2 3

Teuta 2 1

Grupi C

Skënderbeu – Kastrioti 2-0

Luftëtari – Besa s’u luajt

Renditja

Skuadra N P

Skënderbeu 2 6

Kastrioti 2 3

Besa 1 0

Luftëtari 1 0

Grupi D

Vllaznia – Bylis 0-0

Dinamo – Elbasani 1-2

Renditja

Skuadra N P

Vllaznia 2 4

Bylis 2 4

Elbasani 2 3

Dinamo 2 0