Kurbin, pranga 19-vjeçarit për vrasje

Policia e Krubinit arrestoi 19- vjeçarin Elton Kola, i cili dyshohet për vrasjen e shtetasit Kastriot Brozi, ngjarje që ndodhi tre ditë më parë në Laç.

Burime nga policia bëjnë të ditur se 19-vjeçari u ndalua në shtëpinë e tij në fshatin Skuraj të Kurbinit. Prova më e fort që ka policia kundër 19- vjeçari është arma e vrasjes qe është zbuluar në banesën e tij.

Pasditen e së mërkurës, Kastriot Brozi u qëllua në qendër të qytetit, në zbritje të autobusit të linjës Laç-Gallat. Policia arriti të identifikonte autorin falë dëshmive të personave që panë ngjarjen.