"Kushtet, reforma ne pronesi dhe dialogu politik"

TIRANE - Komisioni Evropian kerkon qe Shqiperia te kryeje pa humbur kohe reformen ne pronesi ne menyre qe ajo te ece sa me shpejt ne rrugen per anetaresimin ne BE. Ky qendrim erdhi diten e djeshme nga Drejtori per Ballkanin Perendimor ne Drejtorine e Pergjithshme te Zgjerimit ne Komisionin Evropian, Pierre Mirel gjate nje takimi me kryeministrin Berisha. Nderkohe qe ai ka kerkuar prere nje bashkepunim mes forcave politike ne Shqiperi, ne funksion te reformave. Gjate nje konference te perbashket me kryeministrin Berisha, Mirel tha se reforma ne pronesi ka si qellim edhe rritjen e metejshme te investimeve, duke garantuar nje ndihme prej 200 milione eurosh per te gjitha reformat, ne kuadrin e marreveshjes se paraaderimit. "Ne lidhje me klimen e biznesit, dua te theksoj nevojen per zgjidhjen e ceshtjes te se drejtes se prones, me qellim rritjen e metejshme te investimeve", deklaroi drejtori per zgjerimin ne Komisionin Evropian. Nga ana e tij edhe kryeministri Berisha deklaroi se qeveria qe ai drejtonte do te bente c'eshte e mundur per reformen ne pronesi. "Une e sigurova zotin Mirel dhe Komisionin se qeveria eshte e vendosur te vazhdoje me konsekuence luften kunder korrupsionit dhe krimit te organizuar, te vazhdoje me vendosmeri reformen per zgjidhjen e problemeve te pronesise", deklaroi Berisha ne fjalen e tij perpara medieve. Nga ana tjeter nga Pierre Mirel u kerkua edhe bashkepunim me opoziten ne lidhje me reforma te rendesishme sic ishte ajo ne drejtesi dhe reforma ne sistemin zgjedhor. "Shqiperia, sic e kemi thene edhe here te tjera, duhet te vazhdoje reformat e qendrueshme dhe te bindshme ne zbatimin e MSA-se dhe ne reformat kyce politike. Dua t`i referohem ne vecanti nevojes per te vazhduar perpjekjet e qendrueshme per reformen zgjedhore, reformen ne drejtesi dhe luften kunder korrupsionit, ndaj te ciles tashme jane marre nje sere masash", deklaroi drejtori per zgjerimin ne KE. Kreu i qeverise Berisha u shpreh se me opoziten vijon dialogu konstant dhe pritet miratimi i reformes zgjedhore.

Kryeministri: Do bejme publike gjithe shpenzimet per spotin

Kryeministri Berisha deklaroi dje se se shpejti Departamenti i Informacionit ne Kryeministri do te beje publike edhe te ardhurat qe jane perdorur nga qeveria ne lidhje me spotin e tij televiziv per luften ndaj korrupsionit. Kreu i qeverise theksoi se kjo drejtori do te jape se shpejti kete njoftim sipas kerkeses qe i eshte bere, duke shtuar se transparenca eshte ne frymen e nderteses se kryeministrise dhe te qeverisjes se djathte.

Fatjona Mejdini