Kuzhe para proves Estoni, shpall listen e futbollisteve

TIRANE- Erjon Bogdani dhe Ervin Bulku do te jene dy te munguarit e medhenj, per miqesoren e 14 nentorit qe Shqiperia do te zhvilloje ne Talin, kunder kombetares se Estonise. Shkak nuk eshte bere loja e tyre e dobet, por demtimet dhe nje nderhyrje qe sulmuesi qe luan ne Serine A italiane, duhet te kryeje ne hunde. Kurse per Bulkun, demtimi ne kampionatin ukrainas, e mban larg fushave prej disa javesh. Por lista e re per miqesoren e trajnerit kroat Josip Kuzhe, u shpall dje pa ndonje surprize te vecante. I munguari i madh qe duket se po humbet cdo shans per te qene pjese e kombetares, eshte sulmuesi Besart Berisha, i cili nuk po perfshihet ne formacionin kryesor tek Bundesliga II ne Gjermani ku militon per Arminia Bielefeld. Emri i vetem i ri ne liste eshte ai i mesfushorit Gentian Muca, i cili luan per Dinamon ne Superligen shqiptare dhe i ka bere pershtypje Kuzhese ne ndeshjet e fundit qe ai ka luajtur. Muca shihet si zevendesuesi i denje i Bulkut. Pjesa tjeter e skuadres tashme eshte e njohur, pasi ka per baze emrat qe kane perfaqesuar kombetaren ne ndeshjet pergjate eliminatoreve per Boterorin 2010 qe do te zhvillohet ne Afriken e Jugut. Ne porte do te jene Sajmir Ujkani dhe Isli Hidi, ndersa mbrojtes jane thirrur Andi Lila, Debatik Curri, Franc Veliu dhe Ansi Agolli. Nga mesfushoret eshte thirrur Lorik Cana, Ervin Skela, Klodian Duro, Emiljano Vila, Jetmir Sefa, Gentjan Muca, Jahmir Hyka dhe Gilman Lika. Ne sulm do te jene Edmond Kapllani, Hamdi Salihi dhe Elis Bakaj. Ky i fundi, sapo eshte rikuperuar pas nje demtimi ne kampionat me Dinamon, qe e la jashte ndeshjeve te fundit te Shqiperise. Ndeshja miqesore mes Estonise dhe Shqiperise do te zhvillohet me 14 nentor ne Talin.

Lista e lojtareve te grumbulluar:

Portiere

Samir UJKANI

Isli HIDI

Mbrojtes

Armend DALLKU

Andi LILA

Debatik CURRI

Franc VELIU

Ansi AGOLLI

Mesfushore

Gentian MUCA

Ervin SKELA

Lorik CANA

Gilman LIKA

Jetmir SEFA

Emiliano VILA

Klodian DURO

Jahmir HYKA

Sulmues

Elis BAKAJ

Edmond KAPLLANI

Hamdi SALIHI