Lala-Vata, nesër në derbin Hanover-Bielefeld

Dita e shtunë mund të përballë në fushë kapitenin e Hanover 96, Altin Lalën me mesfushorin sulmues të Arminia Bielefeld, Fatmir Vata, i cili sipas "Kicker" është përfshirë në grupin e lojtarëve që kanë udhëtuar për në Hanover. Nuk dihet nëse Vata, - i dëmtuar që nga muaji maj, - do të luajë, por siti gjerman shkruan se trajneri Thomas von Heesen do të vendosë për aktivizimin e tij vetëm disa minuta para hartimit të protokollit zyrtar të lojtarëve.