Largohen nga Joni 40 tonë predha
VLORE - Përfundoi dje faza e parë e operacionit për pastrimin e predhave dhe municioneve të mbetura nën ujë në zonën "Kalaja" në Vlorë.
Operacioni i quajtur "Plazhe të sigurta", i cili ka nisur në 26 prill të këtij viti ka nxjerrë nga uji 40 tonë predha dhe municione, të mbetura aty nga periudha e Luftës së Dytë Botërore dhe më vonë. Ato janë transportuar në drejtim të Gadishullit të Karaburunit, në një distancë rreth 12 km, në vendin e quajtur Shën Vasil, ku është realizuar shpërthimi i tyre në bunkerë, në kushtet e një sigurie të plotë. Ekspertët shqiptarë, që u përfshinë në këtë operacion, e konsiderojnë atë të vështirë, për shkak se është punuar nën ujë dhe me lloje municionesh që shpesh kanë shkallë të ndjeshme rrezikshmërie. Në operacion u angazhuan dy grupe polumbare, mjetet dhe personeli i Flotiljeve Detare, Shërbimi Hidrografik, Batalioni i Mbështetjes Logjistike, Policia Ushtarake e Vlorës, Njësia e Municioneve dhe Eksplozivëve, si dhe mjete të Grupit të 28-të Naval Italian, ndërkohë që gjithçka u drejtua nga një strukturë e veçantë, në formën e Task Grup. Operacioni "Plazhe të sigurta" do të vazhdojë me pika të tjera, më pak të rrezikshme të bregdetit të këtij qyteti të "infektuara" me municione nënujore. q.b
Operacioni i quajtur "Plazhe të sigurta", i cili ka nisur në 26 prill të këtij viti ka nxjerrë nga uji 40 tonë predha dhe municione, të mbetura aty nga periudha e Luftës së Dytë Botërore dhe më vonë. Ato janë transportuar në drejtim të Gadishullit të Karaburunit, në një distancë rreth 12 km, në vendin e quajtur Shën Vasil, ku është realizuar shpërthimi i tyre në bunkerë, në kushtet e një sigurie të plotë. Ekspertët shqiptarë, që u përfshinë në këtë operacion, e konsiderojnë atë të vështirë, për shkak se është punuar nën ujë dhe me lloje municionesh që shpesh kanë shkallë të ndjeshme rrezikshmërie. Në operacion u angazhuan dy grupe polumbare, mjetet dhe personeli i Flotiljeve Detare, Shërbimi Hidrografik, Batalioni i Mbështetjes Logjistike, Policia Ushtarake e Vlorës, Njësia e Municioneve dhe Eksplozivëve, si dhe mjete të Grupit të 28-të Naval Italian, ndërkohë që gjithçka u drejtua nga një strukturë e veçantë, në formën e Task Grup. Operacioni "Plazhe të sigurta" do të vazhdojë me pika të tjera, më pak të rrezikshme të bregdetit të këtij qyteti të "infektuara" me municione nënujore. q.b