Largohet shkaku i traumave

Sulmuesi i traumatizuar brazilian, Marquinhos është larguar nga skuadra e tij japoneze Vegalta Sendai, për shkak të tronditjes emocionale që ka pësuar nga pasojat e tërmetit dhe cunamit që goditi vendin më 11 mars. Ai nuk ishte në gjendje të vazhdojë të luajë në rrethana të tilla dhe pritet të kthehet në vendlindje. Nga Express më 10 prill 2011 në ora 11:34

Sulmuesi brazilian Marquinhos është larguar nga klubi i tij Vegalta Sendai nga J-League, duke fajësuar stresin emocional nga tërmeti dhe cunami vrasës i muajit të kaluar, ka njoftuar klubi i tij të shtunën. Kontrata e 35 vjeçarit është shkëputur tre muaj pas transferimit të tij në Sendai, pas gjendjes së rëndë emocionale të tij dhe pesë aventurave në klube tjera japoneze.

“Duke parë dëmin e shkaktuar nga katastrofa, Marquinhos ka pësuar tronditje psikologjike dhe ka vendosur se do ta ketë vështirë të vazhdojë të luajë në rrethana të tilla”, thuhet në komunikatën e publikuar të shtunën në ueb faqen zyrtare të Vegaltas (www.vegalta.co.jp).

Marquinhos i ndihmoi Kashima Antlers drejt het-trikut të titujve në kampionatin japonez nga 2007-09, ndërsa fitoi këpucën e artë më 2008 dhe ka shënuar 109 gola në 230 paraqitje të tij në J-League. Sendai është njëra prej pjesëve më të goditura nga tërmeti i fuqishëm prej shkallës 9.0 më 11 mars, edhe pse arriti që në pjesën më të madhe t’i shpëtojë cunamit të madh që u përcoll dhe mbuloi shumë qytete në verilindje të Japonisë.

Më tepër se 12 mijë njerëz humbën jetën, ndërsa 15 mijë janë ende të humbur. Megjithatë, Vegalta do të zhvillojë ndeshjen e caktuar për fillimin e sezonit në J-League më 29 prill, edhe pse një tjetër tërmet i fuqishëm qëlloi goditi më herët gjatë kësaj jave. Ndërsa Marquinhos spekulohet se do të kthehet në vendlindjen e tij për të luajtur për Atletico Mineiron.