Legalizimet 300 familjet qe duhet te bejne pagesat ne Tirane

Agjencia e Legalizimit, Urbanizimit dhe Integrimit te Zonave/Ndertimeve Informale (ALUIZNI) ka pergatitur dokumentacionin e nevojshem tekniko-ligjor per 3000 familje qe jane poseduese dhe kane vetedeklaruar per qellim legalizimi shtesat pa leje qe ata kane ndertuar ne objektet me leje ne rajonin e Tiranes ne njesite nr.3 dhe 4.
"Kjo eshte lista emerore e qytetareve te njesise bashkiake nr 3 dhe njesise bashkiake nr 4 tirane qe ALUIZNI u ka perfunduar dokumentacionin tekniko-ligjor te kalimit te pronesise te parceles ndertimore", - thane dje per "Koha Jone", burime zyrtare nga Agjencia e Legalizimit, Urbanizimit dhe Integrimit te Zonave/Ndertimeve Informale. Ajo sqaron se qytetaret e listuar qe deshirojne te shlyejne detyrimet me bono privatizimi (letra me vlere), ne perputhje me grafikun e miratuar, duhet te paraqiten prane zyrave te drejtorise rajonale tirane per te dorezuar kerkesen per menyren e pageses sipas percaktimeve te ligjit te letrave me vlere apo bono privatizimi.
"Personat e listes se meposhtme duhet te paraqiten prane Drejtorise Qendrore te ALUIZNI-t, ne adresen: Rruga "Skender Kosturi", ish Instituti i Perim-Patates, Tirane, per te terhequr formularet e pagesave per shlyerjen e detyrimeve financiare te objekteve korresponduese me qellim qe te procedohet me tej me legalizimin e ketyre objekteve dhe regjistrimin e tyre", thuhet ne njoftimin zyrtar.
Gjithashtu, personat, te cileve ju jane dorezuar faturat e pagesave duhet te paraqesin vertetimin per likujdimin e ketyre faturave (akt-pagesat origjinale te bankave ku ata kane kryer pagesat).