"Gjeniu i vogel", skualifikohen 14 femije
Spektaklit te njohur te TV Klan, "Gjeniu i vogel" i jane larguar tanime 14 femije te talentuar, te cilet gjithsesi do te kene mundesi te vazhdojne deri ne naten e fundit te spektaklit, duke konkurruar per Cmimin e Publikut. "Ata jane te gjithe gjeni e te talentuar, duke qene se jane perzgjedhur permes audicioneve mes qindra e qindra femijeve ne mbare vendin", tha dje prezantuesja e ketij spektakli, Suela Demiri. Mesohet se edhe javes tjeter eliminimi do te vijoje me 8 femije te tjere, derisa ne finalen e nates se fundit te mberrijne gjithsej 8 femije. Mbremjen e djeshme te spektaklit, pjesa me e madhe e femijeve qe kendojne cdo nate live, interpretuan ne duete, gje qe e rrit nivelin e veshtiresise vokale. Ata kane kenduar edhe me pare ne duete, por jo kaq masivisht. Edhe nje here, emocionet e dhuruara nga talentet e vegjel ne teatrin gjigant te TV Klan, ishin te paharrueshme. Te ftuar nga kengetaret e afirmuar sakaq te skenes muzikore shqiptare, ishin mbreme ne skenen e "Gjeniut" Anjeza Shahini, Eranda Libohova, Big Basta dhe Vesa Smolica, qe ndezen publikun me kenget e tyre. Spektakli qe ka fituar nje numer te larte shikuesish do te vijoje me dy net te tjera, per t'i dhene fund me fituesin e ketij edicioni ne mbremjen magjike te dates 10 prill. Sigurisht qe per femijet qe promovojne zerat e tyre ne kete kompeticion, vec dhurates se madhe te emocioneve te skenes, imazhit dhe publicitetit qe i eshte bere talentit te tyre, do te mbeten te skalitura ne mendje momente e pashlyera qe kane kaluar me njeri-tjetrin, me stafin profesionist te programit, e natyrisht komunikimi me publikun e zgjedhur te TV Klan. Per ta "ndarja" me njeri-tjetrin do te jete e veshtire, per shkak se per 14 jave me radhe ata jane shkeputur nga qytetet, familjet, shkollat ku mesojne etj., per te qendruar ne Tirane, ku edhe kane mesuar normalisht prane shkolles nentevjecare dhe te mesme "Faik Konica", ketu ne kryeqytet. Formula e vecante e zgjedhur per kete edicion pati si nje risi katershen e jurise se nderuar, te cilet evidentuan dhe vleresuan me nota femijet nga mbare vendi, kengetaret e ardhshem te skenes muzikore shqiptare. Spektakli mban vulen e skenaristit dhe producentit Pandi Laco, regjisorit Bledi Laco, udheheqesit artistit Adi Hila, ndersa prezantimi dinjitoz i eshte besuar figures simpatike te ekranit, Suela Demiri.