Legalizimet, 80% e vleres do te behen me letra me vlere
Qeveria i hapi dje rruge legalizimit te objekteve informale ne te gjithe vendin, nepermjet letrave me vlere te cilat jane shperndare ne vend, ne vitet 1995-1996. Sipas vendimit te marre dje ne Keshillimin e Ministrave, qytetaret shqiptare qe do te legalizojne objektet do te kene te drejte qe 80 % te vleres se tyre ta paguajne me letra me vlere, pervec takses se infrastruktures, e cila eshte kompetence e qeverisjes vendore. Ne fjalen e tij kryeministri Berisha, deklaroi se per sa i perket qytetareve, te cilet e kane paguar vleren njeqind per qind, qeveria do t'u rimbursoje 80 % te vleres, te cilen ata do ta paguajne me letra me vlere. "Kemi vendosur qe i tere procesi i legalizimit pervec takses se infrastruktures, e cila eshte takse e qeverise vendore dhe une nuk kam ndermend qe te ngushtoj dhe as te nderhyj ne kompetencen e tyre, por as edhe tu ngushtoj atyre burimet e te ardhurave", deklaroi kryeministri Berisha ne fjalen e tij. Sipas tij, ajo eshte nje takse e vendosur me pelqim te perbashket me bashkite dhe komunat e vendit dhe mbetet e paprekur. Nga ana tjeter kreu i qeverise e konsideroi si me nje rendesi te vecante, lidhjen e procesit te legalizimit me letrat me vlere te shperndara 14 viteve me pare. "Ne kete menyre hapet per letrat me vlere nje nga tregjet me te fuqishem te vendit, i cili bazohet ne legalizimin e 500 mije objekteve. Ne kete menyre ne hapim nje treg ekzakt se 4 deri ne 6 here me te madhe sesa vlera e letrave me vlere", deklaroi kryeministri Berisha. Sipas tij, qeveria me kete vendim te marr shkon drejt shlyerjes se detyrimit qe kemi ndaj me shume se 1 milion shqiptareve. Berisha kerkoi nga Ministria e Financave dhe Ministria e Puneve Publike pergatitjen e gjithe kuadrit te nevojshem ligjor qe ky vendim te hyje ne fuqi sa me pare. Prej muajsh kryeministri Berisha ka dhene sinjalin, qe letrat me vlere te marra rreth 14 vite me pare do te futen perseri ne treg, por ai me pare nuk kishte dhene detaje mbi menyren se si do te perdoreshin ato. Letrat me vlere u shperndane ne vend ne kohen kur kryeministri aktual Berisha, ishte president ne vend dhe ato ju dhane kryesisht punonjesve te cilet punonin ne kompanite shteterore si pasoje e privatizimit te tyre. Pas shperndarjes se tyre keto letra nuk u perfshine ne asnje projekt. Gjate tete viteve te saj, qeverisja socialiste ne vend nuk i beri thirrje asnjehere qytetareve per perdorimin e tyre dhe ata u ben nje kapital i grire ne duart e qytetareve ne te gjithe vendin. Vendimi i marr dje nga Keshilli i Ministrave pritet t'i jap fund edhe ketij procesi, te nisur 14 vite me pare.