Leonardo, optimist për Interin

Kampioni i Italisë dhe Evropës, Inter, të mërkurën paradite ka prezantuar trajnerin e ri, Leonardo. Pasardhësi i Rafa Benitezit, ka thënë se kjo është një sfidë e madhe për të.

“Nuk po kërkoja një punë, por një ëndërr. Kjo është sfida ime më e madhe”, ka thënë Leonardo në konferencën e tij të parë për shtyp si trajner i Nerazzurrëve.

Edhe pse Inter nuk e ka nisur mirë sezonin, trajneri brazilian është optimist se mund ta fitojë Scudetton.

“Besoj se mund të fitojmë kampionatin. E di që 13 pikë janë shumë, por kampionati është i gjatë”, ka theksuar ai.

Ndërsa, presidenti i Inter, Massimo Moratti ka thënë se është shumë i lumtur për zgjedhjen që ka bërë. “Leonardon e kam vlerësuar gjithmonë. Tani duhet ta lëmë të punojë në qetësi, por me ambicien që duhet të ketë një klub kampion bote”, ka përfunduar Moratti.