Leticia Kasta, aktorja në pritje të fëmijës së tretë

Leticia Kasta është 31 vjeç dhe më 11 maj pritet të bëhet nënë për herë të tretë, pas lindjes së Sahten, 8 vjeç dhe Orlando, 2 vjeç, djali i Stefano Akorsit, që është edhe babai i vogëlushit që pritet të lindë. Sapo ka përfunduar xhirimet e “Serge Gainsbourg, vie héroique” ku do të interpretojë rolin e Brixhit Bardot dhe në “Vanity Fair” tregon për shtatzëninë, për fëmijët dhe për vështirësitë që hasin aktoret kur presin të bëhen nëna. “Filmi i fundit që xhirova është historia e jetës së Gainsburg. Ai dhe Bardot kishin një histori së bashku. Nuk zgjati shumë dhe ai natën, në shtrat shkruante këngë dashurie për të që i rrinte përkrah. Nuk ishte impenjim i gjatë: vetëm 5 ditë xhirime. Megjithatë e bëra me dashuri dhe lehtësi rolin ashtu siç mund të veshësh një fustan. Ngjashmëria me Bardot është e pamundur. Ajo ishte unike”. E njihni personalisht? “Kur më propozuan ta interpretoja, i kërkova që të takoheshim. Pranoi por më pas nuk i ndie mirë. Kështu më mori në telefon. Folëm gjatë dhe më bëri shumë përshtypje. Kisha nevojë për aprovimin e saj”. Lidhur me jetën private aktorja shprehet: “Në jetë nuk mund të programosh gjithçka. Të lindësh fëmijë nuk është gjëja më e thjeshtë. Teksa xhiroja “Visages” recitoja edhe në teatër. Ditën merresha me xhirimet, ndërsa natën ngjitesha në skenë. Nuk flija pothuajse fare. Në atë kohë mbeta shtatzënë dhe regjisori më pyeti: Po ku e gjete kohën për këtë?”. Fëmija për të do të thotë më tepër sesa ardhja në jetë e një krijese. Kjo lidhet me faktin e të qënit e dashuruar dhe nëse dashuria mbaron, nuk ia vlen të rrish me dikë për hir të fëmijës. “Fëmijët e ndjejnë kur po sakrifikon për ta. Disa prindër rrinë bashkë duke menduar se kjo do të ishte më e mira për fëmijët. Ata nuk e dinë se fëmijët nga ana e tyre mendojnë: Shpresojmë që të ndahen. Prindërit në fund të fundit janë thjesht femra e meshkuj. Shtatzënia kur të duhet të aktrosh është vërtet e lodhshme por ia vlen të sakrifikosh për diçka të bukur”,- është shprehur Kasta.

29 Prill 2009